| ᠲᠡᠭᠦᠰᠲᠡᠮᠦᠷ ︵ᠤᠰᠬᠠᠯ ᠬᠠᠭᠠᠨ︶ 1378 ᠤᠨ ᠳᠤ ᠪᠢᠯᠢᠭᠲᠦ ᠬᠠᠭᠠᠨ ᠠᠶᠤᠰᠢᠷᠢᠲᠠᠷᠠ ᠨᠠᠰᠤ | ᠡᠴᠦᠰᠯᠡᠭᠰᠡᠨ ᠳᠤ ᠲᠡᠭᠦᠰᠲᠡᠮᠦᠷ ᠰᠠᠭᠤᠷᠢᠨ ᠵᠠᠯᠭᠠᠮᠵᠢᠯᠠᠵᠤ ᠠᠷᠪᠠᠨ ᠨᠢᠭᠡᠨ ᠵᠢᠯ ᠬᠠᠭᠠᠨ ᠰᠠᠭᠤᠷᠢᠨᠠ ᠰᠠᠭᠤᠵᠤ | ᠤᠮᠠᠷᠠᠲᠤ ᠶᠤᠸᠠᠨ ᠤ ᠡᠬᠢᠨ ᠤ ᠬᠤᠭᠤᠴᠠᠭᠠᠨ ᠳᠠᠬᠢ ᠬᠠᠮᠤᠭ ᠤᠷᠲᠤ ᠲᠦᠷᠦ ᠪᠠᠷᠢᠭᠰᠠᠨ ᠬᠠᠭᠠᠨ ᠪᠤᠯᠤᠨᠠ᠃ | ᠲᠡᠭᠦᠰᠲᠡᠮᠦᠷ ᠬᠠᠭᠠᠨ ᠤ ᠴᠢᠩᠰᠠᠩ ᠯᠢᠦᠢ ᠡᠯ᠂ ᠮᠠᠨᠰᠠ ᠬᠠᠷᠠᠨᠵᠠᠩ᠂ ᠲᠤᠭᠴᠢ ᠭᠦᠸᠧ ᠭᠦᠩ᠂ ᠫᠢᠩᠵᠠᠩ | ᠦᠯᠵᠡᠶᠢᠪᠤᠬᠠ᠂ ᠴᠡᠷᠢᠭ ᠤᠨ ᠬᠦᠷᠢᠶᠡᠯᠡᠩ ᠤᠨ ᠮᠡᠲᠡᠭᠴᠢ ᠠᠶᠢᠰᠤ ᠨᠠᠷ ᠴᠡᠷᠢᠭ ᠮᠤᠷᠢ ᠪᠠᠨ ᠬᠤᠷᠠᠯᠳᠤᠭᠤᠯᠤᠨ ᠮᠢᠩ | ᠤᠯᠤᠰ ᠲᠠᠢ ᠲᠠᠬᠢᠨ ᠲᠠᠶᠢᠳᠤᠬᠤ ᠪᠠᠷ ᠪᠡᠯᠡᠳᠬᠡᠵᠦ ᠪᠠᠶᠢᠪᠠ᠃ | 1380 ᠤᠨ ᠳᠤ ᠮᠢᠩ ᠤᠯᠤᠰ ᠤᠨ ᠵᠠᠩᠵᠤᠨ ᠮᠦ ᠶᠢᠩ ᠱᠠᠨᠰᠢ ᠠᠴᠠ ᠴᠡᠷᠢᠭ ᠮᠤᠷᠳᠠᠵᠤ᠂ ᠯᠢᠩ ᠵᠸᠦ ᠶᠢ | ᠲᠠᠭᠠᠷᠢᠨ ᠬᠠᠲᠤᠨ ᠭᠤᠤᠯ ᠢ ᠭᠡᠲᠦᠯᠵᠦ᠂ ᠾᠧ ᠯᠠᠨ ᠱᠠᠨ ᠢᠶᠠᠷ ᠦᠩᠭᠡᠷᠡᠨ᠂ ᠡᠯᠡᠰᠦᠨ ᠴᠦᠯ ᠢ ᠲᠤᠭᠤᠯᠤᠭᠠᠳ᠂ | ᠡᠵᠡᠨᠡ ᠤᠷᠤᠭᠤ ᠴᠡᠷᠢᠭ ᠤᠷᠤᠪᠠ᠂ ᠬᠤᠶᠠᠷ ᠡᠲᠡᠭᠡᠳ ᠢᠶᠠᠷ ᠢᠶᠠᠨ ᠡᠵᠡᠨᠡ ᠳᠤ ᠶᠡᠭᠡ ᠲᠠᠶᠢᠨ ᠪᠤᠯᠤᠭᠰᠠᠨ ᠳᠤ ᠮᠢᠩ | ᠤᠯᠤᠰ ᠤᠨ ᠴᠡᠷᠢᠭ ᠰᠦᠨᠢ ᠪᠠᠷ ᠭᠡᠨᠡᠳᠲᠡ ᠶᠢᠨ ᠲᠠᠭᠠᠷᠢᠯᠲᠠ ᠶᠠᠪᠤᠭᠤᠯᠵᠤ᠂ ᠬᠤᠲᠠ ᠰᠠᠬᠢᠭᠰᠠᠨ ᠵᠠᠩᠵᠤᠨ ᠲᠤᠭᠴᠢ | ᠭᠦᠸᠧ ᠭᠦᠩ᠂ ᠠᠶᠢᠰᠤ ᠨᠠᠷ ᠢ ᠪᠠᠷᠢᠪᠴᠠᠯᠠᠪᠠ᠃ ᠳᠤᠰ ᠵᠢᠯ ᠳᠤ ᠤᠮᠠᠷᠠᠲᠤ ᠶᠤᠸᠠᠨ ᠤ ᠫᠢᠩᠵᠠᠩ ᠲᠦᠰᠢᠮᠡᠯ | ᠦᠯᠵᠡᠶᠢᠪᠤᠬᠠ᠂ ᠲᠠᠢ ᠸᠧᠢ ᠲᠦᠰᠢᠮᠡᠯ ᠠᠶᠢᠪᠤᠬᠠ ᠨᠠᠷ ᠮᠢᠩ ᠤᠯᠤᠰ ᠤᠨ ᠬᠢᠵᠠᠭᠠᠷ ᠲᠠᠬᠢ ᠶᠦᠩ ᠫᠢᠩ ᠹᠦ᠋ | ︵ᠾᠧᠪᠸᠢ ᠮᠤᠵᠢ ᠶᠢᠨ ᠯᠦ ᠯᠦᠩ︶ ᠶᠢ ᠬᠠᠯᠳᠠᠨ ᠲᠤᠪᠳᠤᠯᠤᠭᠠᠳ ᠮᠢᠩ ᠤᠯᠤᠰ ᠤᠨ ᠵᠠᠩᠵᠤᠨ ᠸᠠᠩ ᠯᠦ ᠳᠤ | ᠪᠠᠷᠢᠪᠴᠠᠯᠠᠭᠳᠠᠪᠠ᠃ | 1388 ᠤᠨ ᠳᠤ ᠮᠢᠩ ᠤᠯᠤᠰ ᠳᠠᠬᠢᠨ ᠶᠡᠭᠡ ᠵᠠᠩᠵᠤᠨ ᠯᠠᠨ ᠢᠤᠢ ᠪᠠᠷ ᠴᠡᠷᠢᠭ ᠲᠠᠶᠢᠴᠢᠯᠠᠭᠤᠯᠤᠨ | ᠤᠮᠠᠷᠠᠰᠢ ᠲᠠᠶᠢᠯᠠᠭᠤᠯᠵᠠᠢ᠃ ᠯᠠᠨ ᠢᠤᠢ ᠶᠢᠨ ᠴᠡᠷᠢᠭ ᠮᠤᠷᠢ ᠳ᠋ᠠ ᠨᠢᠩ ︵ᠦᠪᠦᠷ ᠮᠤᠩᠭᠤᠯ ᠤᠨ ᠨᠢᠩᠴᠧᠩ︶ ᠢᠶᠠᠷ | ᠭᠠᠷᠴᠤ᠂ ᠴᠢᠩᠵᠸᠦ ᠬᠦᠷᠦᠭᠡᠳ ᠰᠢᠭᠤᠳ ᠪᠤᠶᠢᠷ ᠨᠠᠭᠤᠷ ᠤᠷᠴᠢᠮ ᠪᠠᠶᠢᠭᠰᠠᠨ ᠤᠮᠠᠷᠠᠳᠤ ᠶᠤᠸᠠᠨ ᠤ ᠬᠠᠭᠠᠨ ᠤᠷᠳᠤ | ᠦᠭᠡᠲᠡ ᠲᠠᠭᠠᠷᠢᠨ ᠲᠤᠪᠳᠤᠯᠤᠭᠰᠠᠨ ᠳᠤ ᠤᠶᠢᠷᠠᠳ ᠠᠶᠢᠮᠠᠭ ᠪᠠᠰᠠ ᠮᠢᠩ ᠤᠯᠤᠰ ᠢ ᠬᠠᠪᠰᠤᠷᠤᠨ ᠪᠠᠷᠠᠭᠤᠨ ᠠᠴᠠ | ᠵᠡᠭᠦᠨᠰᠢ ᠴᠡᠷᠢᠭᠯᠡᠪᠡ᠃ ᠰᠢᠷᠦᠭᠦᠨ ᠪᠠᠶᠢᠯᠳᠤᠭᠠᠨ ᠳᠤ ᠤᠮᠠᠷᠠᠳᠤ ᠶᠤᠸᠠᠨ ᠤ ᠴᠡᠷᠢᠭ ᠬᠦᠨᠲᠦ ᠬᠡᠴᠡᠭᠦᠦ ᠬᠤᠬᠢᠷᠠᠯ ᠳᠤ | ᠤᠴᠠᠷᠠᠭᠰᠠᠨ ᠪᠤᠯᠪᠠᠴᠤ ᠲᠡᠭᠦᠰᠲᠡᠮᠦᠷ ᠬᠠᠭᠠᠨ ᠪᠠᠭᠤᠵᠤ ᠦᠭᠭᠦᠭᠰᠡᠨ ᠦᠭᠡᠢ᠂ ᠬᠡᠲᠦᠨ ᠠᠷᠪᠠᠨ ᠮᠤᠷᠢᠲᠠᠨ ᠢᠶᠠᠨ | ᠲᠠᠭᠠᠭᠤᠯᠤᠨ ᠬᠠᠷᠠᠬᠤᠷᠠᠮ ᠢ ᠵᠤᠷᠢᠵᠤ ᠶᠠᠪᠤᠵᠠᠢ᠂ ᠭᠡᠪᠡᠴᠦ ᠵᠠᠮ ᠵᠠᠭᠤᠷᠠ ᠪᠠᠨ ᠲᠤᠤᠯᠠ ᠭᠤᠤᠯ ᠤᠨ ᠬᠦᠪᠡᠭᠡᠨᠡ | ᠤᠶᠢᠷᠠᠳ ᠤᠨ ᠲᠡᠮᠵᠢᠯᠭᠡ ᠶᠢ ᠤᠯᠵᠤ ᠪᠠᠶᠢᠭᠰᠠᠨ ᠠᠷᠢᠭᠪᠦ᠋ᠬᠡ ᠶᠢᠨ ᠬᠤᠶᠢᠴᠢᠰ ᠶᠢᠰᠦᠲᠡᠷ ᠲᠤ ᠬᠤᠤᠷᠯᠠᠭᠳᠠᠵᠠᠢ᠃ | ᠨᠠᠴᠤᠯᠠᠢ ᠪᠤᠯᠤᠨ ᠰᠢᠷᠠᠮᠤᠨ ᠨᠠᠷ ᠴᠦ ᠮᠢᠩ ᠣᠯᠣᠰ ᠲᠤ ᠪᠠᠭᠤᠵᠤ ᠦᠭᠭᠦᠨ ᠲᠡᠭᠦᠰᠲᠡᠮᠦᠷ ᠬᠠᠭᠠᠨ ᠤ ᠬᠠᠲᠤᠳ᠂ | ᠬᠦᠪᠡᠭᠦᠳ᠂ ᠬᠠᠭᠠᠨ ᠤᠭᠰᠠᠭᠠᠨ ᠤ ᠨᠤᠶᠠᠳ ᠲᠦᠰᠢᠮᠡᠳ ᠪᠤᠯᠤᠨ ᠲᠤᠯᠤᠭᠠᠨ ᠲᠦᠮᠡ ᠭᠠᠷᠤᠢ ᠬᠤᠶᠠᠭ ᠴᠡᠷᠢᠭ ᠵᠢᠴᠢ | ᠠᠷᠪᠠᠨ ᠲᠠᠪᠤᠨ ᠲᠦᠮᠡᠨ ᠠᠲᠤᠭᠤ ᠮᠠᠯ ᠴᠦᠮ ᠢᠶᠠᠷ ᠢᠶᠠᠨ ᠮᠢᠩ ᠤᠯᠤᠰ ᠲᠤ ᠤᠯᠵᠠᠯᠠᠭᠳᠠᠪᠠ᠃ | ᠲᠠᠶᠢᠨ ᠲᠠᠵᠢᠨ ᠨᠢ ᠮᠤᠩᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠳᠤ ᠲᠤᠩ ᠶᠡᠭᠡ ᠠᠶᠤᠯ ᠭᠠᠮᠰᠢᠭ ᠤᠴᠠᠷᠠᠭᠤᠯᠤᠭᠰᠠᠨ | ᠴᠦ ᠬᠠᠳᠠᠨ ᠵᠤᠷᠢᠭ᠂ ᠬᠠᠲᠠᠭᠤ ᠰᠤᠷᠲᠠᠯ ᠲᠠᠢ ᠮᠤᠩᠭᠤᠯᠴᠤᠳ ᠮᠢᠩ ᠤᠯᠤᠰ ᠤᠨ ᠱᠦᠭᠦᠷᠲᠡᠯᠲᠡ ᠦᠩᠭᠡᠷᠡᠭᠰᠡᠨ ᠤ | ᠲᠠᠷᠠᠭᠠ ᠨᠤᠳᠤᠭ ᠤᠰᠤ ᠪᠠᠨ ᠦᠷᠭᠦᠯᠵᠢᠯᠡᠨ ᠰᠢᠨᠡᠳᠬᠡᠨ ᠪᠠᠶᠢᠭᠤᠯᠵᠤ ᠪᠠᠶᠢᠪᠠ᠃ ᠲᠡᠦᠬᠡ ᠲᠡᠮᠲᠡᠭᠯᠡᠯ ᠳᠤ ᠮᠢᠩ | ᠤᠯᠤᠰ ᠤᠨ ᠲᠦᠷᠢᠮᠡᠬᠡᠶᠢᠯᠡᠯ ᠢᠶᠠᠨ ᠲᠦᠪ ᠶᠤᠰᠤᠨ ᠤ ᠲᠠᠶᠢᠨ ᠪᠤᠯᠭᠠᠨ ᠵᠦᠪᠲᠡᠭᠡᠲᠡᠭ᠃ ᠡᠭᠦᠨ ᠢ ᠡᠷᠬᠡᠪᠰᠢ ᠲᠠᠬᠢᠨ | ᠰᠢᠨᠡ ᠪᠠᠷ ᠦᠨᠡᠯᠡᠬᠦ ᠬᠡᠷᠡᠭᠲᠡᠢ᠃ | ᠡᠩᠬᠡ ᠵᠤᠷᠢᠭᠲᠤ ᠪᠠ ᠡᠯᠪᠡᠭ ᠬᠠᠭᠠᠨ | ᠲᠡᠭᠦᠰᠲᠡᠮᠦᠷ ᠬᠠᠭᠠᠨ ᠬᠤᠤᠷᠯᠠᠭᠳᠠᠭᠰᠠᠨ ᠶᠠᠪᠤᠳᠠᠯ ᠨᠢ ᠤᠮᠠᠷᠠᠳᠤ ᠶᠤᠸᠠᠨ ᠡᠬᠢᠨ ᠤ ᠦᠶᠡ ᠳᠠᠬᠢ ᠠᠩᠬᠠ | ᠤᠳᠠᠭᠠᠨ ᠤ ᠲᠤᠳᠤᠭᠠᠳᠤ ᠬᠢᠮᠣᠷᠠᠯ ᠪᠤᠯᠵᠠᠢ᠃ ᠲᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠠᠷᠪᠠᠨ ᠵᠢᠯ ᠳᠤᠳᠤᠷᠠ ᠲᠠᠪᠤᠨ ᠬᠠᠭᠠᠨ | ᠰᠣᠯᠢᠭᠳᠠᠭᠰᠠᠨ ᠪᠤᠯᠪᠠᠴᠤ ᠴᠦᠮ ᠤᠷᠲᠤᠨ ᠤ ᠬᠤᠪᠢᠰᠤᠯ ᠢᠶᠠᠷ ᠬᠤᠤᠷᠯᠠᠭᠳᠠᠭᠰᠠᠨ ᠪᠠᠶᠢᠨᠠ᠃ ᠲᠡᠭᠦᠰᠲᠡᠮᠦᠷ ᠠᠴᠠ | ᠶᠢᠰᠦᠲᠡᠷ ᠬᠠᠭᠠᠨ ᠰᠠᠭᠤᠷᠢ ᠵᠠᠯᠭᠠᠮᠵᠢᠯᠠᠭᠠᠳ ᠤᠳᠠᠯ ᠦᠭᠡᠢ ᠦᠬᠦᠪᠡ᠃ ᠲᠡᠭᠦᠨ ᠤ ᠬᠦᠪᠡᠭᠦᠨ ᠡᠩᠬᠡ | ᠵᠤᠷᠢᠭᠲᠤ1389 ᠊᠊᠊᠊᠊᠊᠊1392 ᠬᠦᠷᠲᠡᠯᠡ ᠲᠦᠷᠪᠡᠨ ᠵᠢᠯ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠠᠳ ᠬᠤᠪᠢᠯᠠᠢ ᠬᠠᠭᠠᠨ | ᠤ ᠬᠤᠶᠢᠴᠢᠰ ᠡᠯᠪᠡᠭ ᠬᠠᠭᠠᠨ ᠳᠤ ᠰᠠᠭᠤᠷᠢᠨ ᠢᠶᠠᠨ ᠠᠪᠲᠠᠪᠠ᠃1399 ᠤᠨ ᠳᠤ ᠤᠶᠢᠷᠠᠳ ᠤᠨ ᠪᠠᠳᠤᠯᠠ | ᠴᠢᠩᠰᠠᠩ᠂ ᠦᠭᠡᠴᠢ ᠬᠠᠰᠬᠠ ᠲᠠᠢ ᠬᠤᠯᠪᠤᠭᠠᠯᠠᠨ ᠡᠯᠪᠡᠭ ᠬᠠᠭᠠᠨ ᠢ ᠬᠤᠷᠤᠭᠠᠳ ᠡᠯᠪᠡᠭ ᠬᠠᠭᠠᠨ ᠤ ᠠᠬᠠᠮᠠᠳ | ᠬᠦᠪᠡᠭᠦᠨ ᠬᠦᠨᠲᠡᠮᠦᠷ ᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠡᠷᠭᠦᠵᠦ ᠭᠠᠷᠭᠠᠪᠠ᠃ ᠭᠦᠨᠲᠡᠮᠦᠷ1400 ᠊᠊᠊᠊᠊᠊᠊᠊᠊᠊1402 | ᠪᠤᠯᠲᠠᠯᠠ ᠬᠤᠶᠠᠷᠬᠠᠨ ᠵᠢᠯ ᠲᠦᠷᠦ ᠪᠠᠷᠢᠪᠠ᠃ | ᠤᠮᠠᠷᠠᠳᠤ ᠶᠤᠸᠠᠨ ᠬᠢᠭᠡᠳ ᠮᠢᠩ ᠤᠯᠤᠰ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠡᠰᠡᠷᠭᠦᠴᠡᠯᠲᠦᠨ ᠲᠡᠮᠡᠴᠡᠯᠲᠦᠭᠰᠡᠨ | ᠠᠴᠠ ᠪᠢᠲᠡᠭᠦᠮᠵᠢᠯᠡᠭᠲᠡᠭᠰᠡᠨ ᠪᠠᠶᠢᠳᠠᠯ ᠳᠤ ᠤᠷᠤᠭᠰᠠᠨ ᠤᠮᠠᠷᠠᠳᠤ ᠶᠤᠸᠠᠨ ᠤ ᠦᠷᠦᠭᠡᠰᠦᠯ ᠴᠢᠨᠠᠷ ᠲᠠᠢ ᠠᠵᠤ ᠠᠬᠤᠢ | ᠨᠢ ᠡᠯᠡ ᠵᠦᠢᠯ ᠤᠨ ᠡᠮᠵᠡᠭ ᠲᠠᠯᠠ ᠲᠠᠢ ᠪᠠᠶᠢᠵᠤ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠭᠠᠰᠢᠭᠤᠨ ᠵᠦᠲᠡᠭᠦᠷᠢᠲᠡᠢ ᠪᠤᠯᠵᠤ᠂ | ᠲᠠᠶᠢᠨ ᠲᠠᠵᠢᠨ ᠠᠴᠠ ᠭᠠᠳᠠᠨᠠ ᠵᠤᠳ ᠰᠢᠭᠤᠷᠭᠠ᠂ ᠭᠠᠩ ᠬᠠᠭᠰᠠᠷᠭᠠᠨ ᠵᠡᠷᠭᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠪᠠ | ᠬᠤᠷᠤᠬᠠᠢ ᠰᠢᠪᠠᠵᠢ ᠶᠢᠨ ᠬᠦᠨᠦᠭᠡᠯ ᠨᠢ ᠴᠦ ᠠᠮᠢᠳᠤᠷᠠᠯ ᠤᠷᠤᠰᠢᠨᠢᠯ ᠢ ᠨᠤᠴᠢᠲᠠᠢ ᠬᠤᠬᠢᠷᠠᠭᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ | ᠶᠤᠮ᠃ | ᠠᠷᠤ ᠭᠠᠵᠠᠷ ᠲᠤ ᠲᠠᠷᠢᠶᠠ ᠲᠦᠮᠦᠰᠦ ᠤᠷᠭᠤᠬᠤ ᠦᠭᠡᠢ᠂ ᠠᠷᠠᠰᠤ ᠨᠤᠤᠰᠤ ᠪᠠᠷ ᠬᠤᠪᠴᠠᠯᠠᠵᠤ᠂ ᠠᠶᠢᠷᠠᠭ | ᠲᠠᠷᠠᠭ ᠢᠶᠠᠷ ᠤᠮᠳᠠᠭᠠᠨ ᠪᠤᠯᠭᠠᠳᠠᠭ᠃ ᠢᠲᠡᠵᠦ ᠡᠮᠦᠰᠬᠦ ᠨᠢ ᠲᠠᠭᠤᠰᠪᠠᠯ ᠪᠤᠯᠢᠶᠠᠨ ᠲᠡᠭᠡᠷᠡᠮᠲᠡᠵᠦ ᠠᠮᠢᠳᠤᠷᠠᠬᠤ | ᠪᠦᠯᠦᠭᠡ᠃ ᠲᠡᠲᠡ ᠨᠢᠭᠡ ᠪᠤᠯ ᠮᠢᠩ ᠤᠯᠤᠰ ᠤᠨ ᠬᠢᠯᠢ ᠬᠢᠵᠠᠭᠠᠷ ᠲᠤ ᠴᠦᠮᠦᠷᠡᠨ ᠤᠷᠤᠵᠤ ᠪᠤᠯᠢᠶᠠᠨ ᠲᠡᠭᠡᠷᠡᠮᠲᠡᠨᠡ᠂ | ᠨᠢᠭᠡ ᠪᠤᠯ ᠪᠠᠭᠠ ᠬᠡᠮᠵᠢᠶᠡᠨ ᠤ ᠠᠷᠠᠯᠵᠢᠶᠠ ᠰᠤᠯᠢᠯᠴᠠᠭᠠ ᠬᠢᠲᠡᠭ᠂1 ᠦᠬᠡᠷ ᠢᠶᠠᠷ1 ᠳ᠋ᠠᠨ ᠪᠤᠳᠠᠭᠠ ᠰᠤᠯᠢᠵᠤ᠂1 | ᠬᠤᠨᠢ ᠪᠠᠷ ᠬᠡᠲᠦᠬᠡᠨ ᠳ᠋ᠸᠦᠠᠮᠤ ᠰᠤᠯᠢᠳᠠᠭ᠂ ᠮᠠᠯ ᠲᠡᠵᠢᠭᠡᠪᠦᠷᠢ ᠦᠭᠡᠢ ᠨᠢ ᠬᠡᠲᠦᠨ ᠳ᠋ᠸᠦ ᠲᠠᠪᠤᠰᠤ ᠪᠠᠷ ᠨᠢᠭᠡ ᠬᠤᠶᠠᠷ | ᠳ᠋ᠸᠦ ᠠᠮᠤ ᠰᠤᠯᠢᠳᠠᠭ᠂ ᠠᠷᠭᠠ ᠦᠭᠡᠢ ᠨᠢᠭᠡ ᠨᠢ ᠨᠢᠭᠡ ᠲᠠᠮᠨᠠᠭᠤᠷ ᠲᠦᠯᠡᠭᠡ ᠪᠠᠷ ᠬᠤᠶᠠᠷ ᠭᠤᠷᠪᠠᠨ ᠱᠧᠩ ᠠᠮᠤ | ᠰᠤᠯᠢᠳᠠᠭ᠃ | ᠲᠤᠮᠳᠠᠳᠤ ᠤᠷᠤᠨ ᠳᠠᠬᠢ ᠶᠤᠸᠠᠨ ᠤᠯᠤᠰ ᠤᠨ ᠨᠤᠶᠠᠷᠬᠠᠯ ᠰᠦᠢᠷᠡᠭᠰᠡᠨ ᠤ ᠬᠤᠶᠢᠨᠠ ᠳᠤᠳᠤᠷ ᠭᠠᠵᠠᠷ ᠤᠨ | ᠮᠠᠰᠢ ᠤᠯᠠᠨ ᠮᠤᠩᠭᠤᠯᠴᠤᠳ ᠮᠤᠩᠭᠤᠯ ᠤᠷᠤᠨ ᠳᠠᠭᠠᠨ ᠡᠭᠡᠵᠦ ᠢᠷᠡᠭᠰᠡᠨ ᠪᠠ ᠮᠢᠩ ᠤᠯᠤᠰ ᠤᠨ ᠶᠠᠪᠤᠭᠤᠯ | ᠢᠷᠭᠡᠳ ᠴᠦ ᠴᠦᠬᠡᠨ ᠪᠤᠰᠤ ᠪᠠᠷ ᠤᠮᠠᠷᠠᠰᠢ ᠨᠡᠭᠦᠨ ᠢᠷᠡᠵᠡᠢ᠃ ᠡᠲᠡᠭᠡᠷ ᠬᠦᠮᠦᠰ ᠶᠠᠪᠤᠬᠤ ᠳᠤᠳᠤᠮ | ᠤᠯᠠᠰᠢᠷᠠᠭᠰᠠᠭᠠᠷ ᠬᠠᠭᠠᠰ ᠢᠯᠡᠭᠦᠦ ᠶᠢ ᠨᠢ ᠬᠢᠲᠠᠳ ᠠᠷᠠᠳ ᠡᠵᠡᠯᠡᠭᠡᠳ ᠠᠩ ᠠᠪᠠ ᠶᠢᠨ ᠬᠠᠩᠭᠠᠯᠲᠠ ᠴᠦ | ᠬᠦᠷᠦᠯᠴᠡᠬᠦ ᠦᠭᠡᠢ ᠪᠤᠯᠤᠭᠠᠳ ᠮᠠᠯ ᠠᠵᠤ ᠠᠬᠤᠢ ᠨᠢ ᠦᠯᠡᠮᠵᠢ ᠤᠯᠠᠨ ᠬᠦᠮᠦᠨ ᠠᠮᠠ ᠶᠢᠨ ᠲᠠᠷᠤᠭᠠᠰᠤ ᠶᠢ | ᠡᠭᠦᠷᠭᠡᠯᠡᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠵᠡᠢ᠃ | ᠤᠮᠠᠷᠠᠳᠤ ᠶᠤᠸᠠᠨ ᠤ ᠦᠶᠡ ᠳᠤ ᠤᠤᠯ ᠤᠨ ᠡᠷᠬᠢᠯᠡᠵᠦ ᠪᠠᠶᠢᠭᠰᠠᠨ ᠭᠠᠷ ᠦᠢᠯᠡᠳᠪᠦᠷᠢ ᠨᠡᠬᠡᠮᠡᠯ᠂ ᠲᠡᠮᠦᠷ | ᠬᠠᠶᠢᠯᠤᠭᠤᠯᠬᠤ ᠪᠠ ᠪᠤᠰᠤᠳ ᠵᠤᠶᠢᠯ ᠤᠨ ᠭᠠᠷ ᠦᠢᠯᠡᠳᠪᠦᠷᠢᠯᠡᠯ ᠦᠨᠲᠦᠰᠦᠨ ᠳᠡᠭᠡᠨ ᠵᠤᠭᠰᠤᠩᠭᠤᠶᠢᠷᠠᠪᠠ᠃ ᠲᠡᠮᠦᠷ | ᠬᠠᠶᠢᠯᠤᠭᠤᠯᠬᠤ ᠦᠢᠯᠡᠳᠪᠦᠷᠢᠯᠡᠯ ᠵᠤᠭᠰᠤᠭᠰᠠᠨ ᠠᠴᠠ ᠲᠡᠮᠦᠷ ᠲᠤᠭᠤᠭᠠ ᠶᠢ ᠴᠦ ᠳᠤᠮᠳᠠᠳᠤ ᠤᠷᠤᠨ ᠠᠴᠠ | ᠬᠠᠩᠭᠠᠬᠤ ᠳᠤ ᠲᠦᠰᠢᠭᠯᠡᠵᠡᠢ᠃ ᠢᠵᠠᠭᠤᠷᠲᠠᠨ ᠨᠤᠶᠠᠳ ᠲᠤ ᠵᠢᠵᠢᠭ ᠬᠡᠮᠵᠢᠶᠡᠨ ᠤ ᠲᠡᠮᠦᠷ ᠬᠠᠶᠢᠯᠤᠭᠤᠯᠬᠤ | ᠦᠢᠯᠡᠳᠪᠦᠷᠢ ᠪᠠᠶᠢᠭᠰᠠᠨ ᠴᠦ ᠲᠡᠷᠡ ᠨᠢ ᠵᠦᠪᠬᠡᠨ ᠪᠠᠭᠠ ᠰᠠᠭᠠ ᠲᠡᠮᠦᠷᠯᠢᠭ ᠡᠲᠡᠯᠡᠯ᠂ ᠠᠯᠳᠠᠨ ᠮᠦᠩᠭᠦᠨ ᠠᠶᠠᠭᠠ᠂ | ᠵᠢᠵᠢᠭ ᠲᠡᠮᠦᠷ ᠲᠤᠭᠤᠭᠠ ᠲᠤᠯᠭᠠ᠂ ᠮᠦᠩᠭᠦᠨ ᠪᠤᠷᠬᠠᠨ ᠵᠡᠷᠭᠡ ᠶᠢ ᠬᠢᠵᠦ ᠸᠠᠩ ᠨᠤᠶᠠᠳ ᠢᠵᠠᠭᠤᠷᠲᠠᠨ ᠤ ᠡᠲᠡᠯᠡᠯ | ᠬᠡᠷᠡᠭᠰᠡᠯ ᠢ ᠬᠠᠩᠭᠠᠳᠠᠭ ᠲᠡᠲᠦᠢ᠂ ᠡᠩ ᠤᠨ ᠮᠠᠯᠴᠢᠳ ᠮᠤᠳᠤᠨ ᠠᠶᠠᠭᠠ ᠰᠠᠪᠠ ᠬᠡᠷᠡᠭᠯᠡᠲᠡᠭ ᠪᠠᠶᠢᠵᠠᠢ᠃ | ᠴᠡᠷᠢᠭ ᠵᠡᠪᠰᠡᠭ ᠤᠨ ᠬᠤᠪᠢ ᠳᠤ ᠵᠢᠯ ᠳᠠᠷᠠᠭᠠᠯᠠᠭᠰᠠᠨ ᠲᠠᠶᠢᠨ ᠤ ᠳᠤᠮᠳᠠ ᠬᠠᠪᠢ ᠵᠡᠷᠭᠡᠯᠡᠲᠡᠭᠡ ᠶᠢᠨ ᠬᠢᠲᠠᠳ | ᠤᠷᠤᠨ ᠠᠴᠠ ᠪᠤᠯᠢᠶᠠᠨ ᠠᠪᠴᠢᠷᠠᠳᠠᠭ᠂ ᠲᠡᠲᠡ ᠰᠤᠮᠤ ᠵᠡᠪᠡ ᠪᠠᠨ ᠲᠤᠩ ᠶᠡᠭᠡ ᠨᠠᠨᠲᠢᠩᠨᠠᠨ ᠬᠠᠶᠢᠷᠠᠯᠠᠵᠤ ᠬᠤᠭᠤᠰᠤᠨ | ᠰᠤᠮᠤ ᠬᠠᠷᠪᠤᠳᠠᠭ ᠦᠭᠡᠢ᠃ ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠦᠮᠴᠢ ᠬᠤᠪᠢᠶᠠᠬᠤ ᠳᠤ ᠨᠢᠭᠡ ᠲᠤᠭᠤᠭᠠ ᠶᠢ ᠬᠤᠶᠠᠷ | ᠬᠤᠪᠢᠶᠠᠬᠤ ᠶᠠᠪᠤᠳᠠᠯ ᠭᠠᠷᠳᠠᠭ᠃ ᠡᠶᠢᠮᠦ ᠠᠴᠠ ᠡᠮᠦᠨᠡᠰᠢ ᠪᠠᠭᠤᠵᠤ ᠡᠳ᠋ ᠪᠤᠳᠠᠰ ᠲᠡᠭᠡᠷᠡᠮᠲᠡᠭᠡᠳ ᠳᠤᠭᠤᠭᠠ ᠤᠯᠬᠤ | ᠶᠢ ᠭᠠᠶᠢᠬᠠᠮᠰᠢᠭᠳᠤ ᠶᠠᠪᠤᠳᠠᠯ ᠪᠤᠯᠭᠠᠨ ᠦᠵᠡᠲᠡᠭ᠃ | ᠭᠠᠷ ᠦᠢᠯᠡᠳᠪᠦᠷᠢ ᠨᠢ ᠬᠡᠪᠴᠢᠶᠡ ᠨᠢ ᠢᠪᠴᠦᠦ᠂ ᠮᠠᠯ ᠲᠠᠷᠢᠶᠠᠯᠠᠩ ᠠᠴᠠ ᠲᠤᠰᠠᠭᠠᠷᠯᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦ ᠨᠢ ᠲᠤᠷᠤᠢ᠃ ᠭᠠᠷ ᠦᠢᠯᠡᠳᠪᠦᠷᠢ ᠳᠤ ᠲᠤᠰᠬᠠᠢ ᠤᠷᠠᠴᠤᠳ ᠲᠠᠷᠬᠠᠳ ᠠᠴᠠ | ᠡᠷᠬᠢᠯᠡᠭᠰᠡᠨ ᠪᠠ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠠᠴᠠ ᠬᠠᠪᠰᠤᠷᠭᠠᠨ ᠡᠷᠬᠢᠯᠡᠭᠰᠡᠨ ᠭᠡᠬᠦ ᠬᠤᠶᠠᠷ ᠵᠤᠶᠢᠯ ᠪᠠᠶᠢᠳᠠᠭ᠃ ᠭᠡᠬᠦ ᠳᠡᠭᠡᠨ | ᠴᠠᠭᠠᠨ ᠢᠲᠡᠭᠡᠨ ᠤ ᠰᠠᠪᠠ ᠬᠡᠷᠡᠭᠰᠡᠯ ᠪᠠ ᠡᠩ ᠤᠨ ᠠᠮᠢᠳᠤᠷᠠᠯ ᠤᠨ ᠪᠠᠭᠠᠵᠢ ᠬᠡᠷᠡᠭᠯᠡᠭᠦᠷ ᠦᠢᠯᠡᠳᠪᠦᠷᠢᠯᠡᠬᠦ ᠪᠠᠷ | ᠭᠤᠤᠯ ᠪᠤᠯᠭᠠᠵᠤ ᠪᠠᠶᠢᠪᠠ᠃ ᠠᠩ ᠭᠦᠷᠦᠭᠡ ᠪᠠ ᠠᠶᠠᠨ ᠲᠠᠶᠢᠨ ᠤ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠤᠯᠵᠤ ᠮᠠᠯᠴᠢᠨ ᠠᠷᠠᠳ | ᠦᠪᠡᠷᠲᠡᠭᠡᠨ ᠨᠤᠮᠤ ᠰᠤᠮᠤ ᠵᠡᠷ ᠵᠡᠪᠰᠡᠭ ᠪᠡᠯᠡᠳᠬᠡᠲᠡᠭ᠂ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠦᠢᠯᠡᠳᠪᠦᠷᠢᠯᠡᠬᠦ ᠴᠢᠬᠤᠯᠠᠲᠠᠢ ᠦᠶᠡ ᠳᠤ | ᠬᠢᠲᠠᠳ ᠲᠠᠷᠬᠠᠳ ᠢ ᠠᠪᠴᠢᠷᠠᠵᠤ ᠢᠵᠠᠭᠤᠷᠲᠠᠨ ᠤ ᠤᠷᠳᠤ ᠬᠠᠷᠰᠢ ᠶᠢᠨ ᠳᠤᠲᠤᠷᠠ ᠦᠢᠯᠡᠳᠪᠦᠷᠢᠯᠡᠲᠡᠭ᠃ ᠨᠤᠮᠤ | ᠬᠢᠬᠦ ᠳᠤ ᠢᠯᠠᠮᠠ ᠬᠠᠶᠢᠯᠠᠰᠤ ᠪᠠᠷ ᠡᠭᠦᠰᠬᠡᠭᠦᠷ ᠬᠢᠵᠦ᠂ ᠵᠡᠭᠡᠷᠡ ᠪᠤᠶᠤ ᠵᠡᠷᠯᠢᠭ ᠦᠬᠡᠷ ᠤᠨ ᠡᠪᠡᠷ ᠢᠶᠠᠷ ᠨᠤᠮᠤ ᠬᠢᠵᠦ | ᠴᠠᠪᠠᠤ ᠶᠢᠨ ᠬᠡᠷᠡᠭᠰᠡᠯ ᠳᠤ ᠪᠤᠭᠤ ᠶᠢᠨ ᠠᠷᠠᠰᠤ ᠶᠢ ᠠᠰᠢᠭᠯᠠᠵᠤ᠂ ᠬᠦᠪᠴᠢ ᠶᠢ ᠨᠢ ᠨᠠᠷᠢᠨ ᠰᠤᠷ ᠢᠶᠠᠷ ᠬᠢᠵᠦ ᠪᠤᠳᠤᠭ | ᠲᠦᠷᠬᠢᠲᠡᠭ᠃ ᠰᠤᠮᠤ ᠶᠢᠨ ᠡᠰᠢ ᠶᠢ ᠤᠳᠠ ᠮᠤᠳᠤ ᠪᠠᠷ ᠬᠢᠵᠦ ᠵᠡᠪᠡ ᠶᠢ ᠲᠡᠮᠦᠷ ᠢᠶᠠᠷ ᠬᠢᠲᠡᠭ᠃ | ᠲᠡᠮᠦᠷ ᠬᠤᠶᠠᠭ ᠢ ᠬᠤᠶᠠᠷ ᠵᠤᠶᠢᠯ ᠳᠤ ᠬᠤᠪᠢᠶᠠᠵᠤ ᠲᠡᠮᠦᠷ ᠬᠠᠪᠳᠠᠰᠤ ᠶᠢ ᠠᠷᠠᠰᠤ ᠪᠠᠷ ᠪᠦᠷᠢᠭᠰᠡᠨ ᠢ ᠨᠢ | ᠲᠠᠯᠳᠠ ᠬᠤᠶᠠᠭ ᠭᠡᠵᠦ᠂ ᠠᠷᠠᠰᠤᠨ ᠬᠤᠶᠠᠭ ᠤᠨ ᠭᠠᠳᠠᠭᠤᠷ ᠲᠡᠮᠦᠷ ᠬᠠᠪᠳᠠᠰᠤ ᠪᠠᠷ ᠪᠦᠷᠢᠭᠰᠡᠨ ᠢ ᠨᠢ ᠭᠠᠳᠠᠷ | ᠬᠤᠶᠠᠭ ᠭᠡᠲᠡᠭ᠃ ᠮᠠᠯᠴᠢᠳ ᠬᠤᠨᠢᠨ ᠨᠤᠤᠰᠤ ᠪᠠᠷ ᠢᠰᠡᠭᠡᠢ ᠬᠢᠬᠦ᠂ ᠠᠷᠠᠰᠤ ᠰᠢᠷᠢ ᠪᠠᠷ ᠰᠣᠷ ᠪᠦᠰᠡ᠂ ᠲᠡᠭᠡᠰᠦ᠂ | ᠬᠤᠯᠪᠤᠭᠠᠰᠤ᠂ ᠠᠷᠠᠰᠤᠨ ᠲᠤᠯᠤᠮ ᠬᠢᠬᠦ ᠪᠤᠶᠤ ᠲᠡᠪᠡᠯ ᠬᠤᠪᠴᠠᠰᠤ ᠮᠠᠯᠠᠭᠠᠢ ᠭᠤᠳᠤᠯ ᠤᠶᠤᠵᠤ᠂ ᠮᠤᠳᠤ ᠪᠠᠷ ᠠᠶᠠᠭᠠ | ᠰᠠᠪᠠ ᠵᠤᠬᠢᠶᠠᠵᠤ᠂ ᠮᠤᠷᠢᠨ ᠲᠡᠷᠭᠡ᠂ ᠦᠬᠡᠷ ᠲᠡᠷᠭᠡ᠂ ᠮᠤᠩᠭᠤᠯ ᠭᠡᠷ ᠢᠶᠠᠨ ᠦᠪᠡᠷᠰᠡᠳ ᠢᠶᠠᠨ ᠦᠢᠯᠡᠳᠪᠦᠷᠢᠯᠡᠲᠡᠭ᠃ | ᠤᠮᠠᠷᠠᠳᠤ ᠶᠤᠸᠠᠨ ᠬᠢᠭᠡᠳ ᠮᠢᠩ ᠤᠯᠤᠰ ᠤᠨ ᠬᠢᠯᠢ ᠵᠠᠯᠭᠠᠯᠳᠤᠵᠤ ᠪᠠᠶᠢᠭᠠ ᠵᠡᠭᠦᠨ ᠡᠮᠦᠨᠡᠲᠦ ᠬᠡᠰᠡᠭ ᠪᠠ | ᠪᠤᠷᠤ ᠲᠤᠬᠤᠢ ᠤᠷᠤᠨ ᠳᠤ ᠲᠠᠷᠢᠶᠠᠯᠠᠩ ᠨᠡᠯᠢᠶᠡᠳ ᠡᠷᠲᠡ ᠬᠦᠭᠵᠢᠪᠡ᠃ ᠬᠢᠲᠠᠳ ᠲᠠᠷᠢᠶᠠᠴᠢᠳ ᠤᠨ ᠨᠦᠯᠦᠭᠡ ᠪᠠᠷ | ᠨᠢᠭᠡ ᠪᠦᠯᠦᠭ ᠮᠤᠩᠭᠤᠯᠴᠤᠳ ᠲᠠᠷᠢᠶᠠᠯᠠᠩ ᠡᠷᠬᠢᠯᠡᠵᠦ᠂ ᠨᠠᠷᠢᠮᠤ᠂ ᠪᠤᠭᠤᠲᠠᠢ᠂ ᠪᠤᠷᠴᠠᠭ ᠤᠨ ᠵᠤᠶᠢᠯ ᠪᠤᠶᠤ ᠮᠤᠩᠭᠤᠯ | ᠠᠮᠤ ᠲᠠᠷᠢᠬᠤ ᠪᠤᠯᠵᠠᠢ᠃ ᠦᠷᠭᠡᠰᠦᠲᠦ ᠬᠡᠮᠬᠡ᠂ ᠬᠠᠰᠢ᠂ ᠭᠠᠶᠢᠮᠤ ᠨᠤᠭᠤᠭᠠ᠂ ᠰᠤᠩᠭᠢᠨᠠ ᠭᠤᠭᠤᠳ ᠵᠡᠷᠭᠡ ᠢᠲᠡᠰᠢᠨ | ᠨᠤᠭᠤᠭᠠ ᠶᠢᠨ ᠵᠤᠶᠢᠯ ᠴᠦ ᠳᠤᠮᠳᠠᠳᠤ ᠤᠷᠤᠨ ᠠᠴᠠ ᠤᠷᠤᠵᠤ ᠢᠷᠡᠵᠡᠢ᠃ | ᠤᠭᠤᠷ ᠲᠤ ᠪᠤᠳᠠᠭᠠ ᠨᠦᠲᠦᠵᠦ ᠴᠠᠶᠢᠯᠭᠠᠨ᠂ ᠲᠡᠭᠡᠷᠮᠡ ᠪᠠᠷ ᠭᠤᠯᠢᠷ ᠲᠠᠯᠬᠠᠳᠠᠵᠤ ᠪᠠᠰᠠ ᠲᠠᠬᠢᠶᠠ᠂ ᠨᠤᠭᠤᠰᠤ᠂ | ᠭᠠᠯᠠᠭᠤ᠂ ᠭᠠᠭ᠋ᠠᠢ ᠵᠡᠷᠭᠡ ᠭᠡᠷ ᠤᠨ ᠲᠡᠵᠢᠭᠡᠪᠦᠷᠢ ᠲᠡᠵᠢᠭᠡᠵᠦ ᠳᠤᠰᠠᠯᠠᠬᠤ ᠠᠵᠤ ᠠᠬᠤᠢ ᠪᠤᠯᠭᠠᠳᠠᠭ᠃ | ᠤᠮᠠᠷᠠᠳᠤ ᠶᠤᠸᠠᠨ ᠬᠢᠭᠡᠳ ᠮᠢᠩ ᠤᠯᠤᠰ ᠤᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠨᠢ ᠭᠤᠤᠯᠳᠠᠭᠤ ︿︿ᠠᠯᠪᠠ | ᠪᠠᠷᠢᠬᠤ﹀﹀ ᠪᠠ ᠵᠠᠬᠠ ᠲᠡᠯᠭᠡᠭᠦᠷ ᠤᠨ ᠮᠠᠶ᠋ᠢᠭ ᠢᠶᠠᠷ ᠶᠠᠪᠤᠭᠳᠠᠵᠤ ᠪᠠᠶᠢᠪᠠ᠃ ᠮᠢᠩ ᠤᠯᠤᠰ ᠤᠨ ᠲᠦᠷᠦ ᠠᠴᠠ | ᠭᠤᠸᠠᠩᠨᠢᠩ ︵ᠯᠢᠶᠦᠦᠨᠢᠩ ᠤᠨ ᠪᠸᠢ ᠵᠧᠨ ᠰᠢᠶᠠᠨ︶ ᠳᠤ ᠮᠤᠷᠢᠨ ᠤ ᠠᠷᠠᠯᠵᠢᠶᠠᠨ ᠭᠠᠵᠠᠷ ᠪᠠᠶᠢᠭᠤᠯᠵᠤ᠂ ᠢᠵᠸᠦ | ︵ᠯᠢᠶᠦᠦᠨᠢᠩ ᠤᠨ ᠢ ᠰᠢᠶᠠᠨ︶ ᠳᠤ ᠮᠤᠳᠤᠨ ᠤ ᠠᠷᠠᠯᠵᠢᠶᠠᠨ ᠤ ᠭᠠᠵᠠᠷ ᠪᠠᠶᠢᠭᠤᠯᠵᠤ᠂ ᠤᠮᠠᠷᠠᠳᠤ ᠶᠤᠸᠠᠨ ᠤ ᠬᠢᠨ | ᠠᠳᠤᠭᠤ ᠮᠠᠯ ᠪᠤᠶᠤ ᠠᠷᠠᠰᠤ ᠨᠤᠤᠰᠤ᠂ ᠮᠤᠳᠤ ᠮᠤᠳᠤᠨ ᠮᠠᠲ᠋ᠧᠷᠢᠶᠡᠯ ᠵᠡᠷᠭᠡ ᠪᠠᠷ ᠮᠢᠩ ᠤᠯᠤᠰ ᠠᠴᠠ ᠭᠠᠷ | ᠦᠢᠯᠡᠳᠪᠦᠷᠢ ᠶᠢᠨ ᠪᠦᠲᠦᠭᠡᠭᠲᠡᠭᠦᠨ ᠪᠠ ᠠᠮᠤ ᠪᠤᠳᠠᠭᠠ ᠠᠷᠠᠯᠵᠢᠨ ᠠᠪᠴᠤ ᠪᠠᠶᠢᠪᠠ᠃1406 ᠤᠨ ᠠᠴᠠ ᠡᠬᠢᠯᠡᠨ | ᠺᠠᠶᠢᠶᠤᠸᠠᠨ ᠤ ᠨᠠᠨ ᠭᠤᠸᠠᠨ ︵ᠯᠢᠶᠦᠦᠨᠢᠩ ᠮᠤᠵᠢ ᠶᠢᠨ ᠺᠠᠶᠢᠶᠤᠸᠠᠨ︶ ᠬᠠᠢ ᠰᠢ ︵ᠺᠠᠶᠢᠶᠤᠸᠠᠨ ᠵᠡᠭᠦᠨᠰᠢᠬᠢ ᠲᠠᠪᠤᠨ | ᠭᠠᠵᠠᠷ ᠲᠤ ᠪᠤᠢ︶ ᠭᠤᠸᠠᠩᠨᠢᠩ ᠵᠡᠷᠭᠡ ᠭᠠᠵᠠᠷ ᠲᠤ ᠮᠤᠷᠢᠨ ᠤ ᠠᠷᠠᠯᠵᠢᠶᠠ ᠡᠷᠬᠢᠯᠡᠵᠦ ᠲᠤᠶᠤᠨ ︵ᠲᠤᠶᠤᠨ᠂ ᠲᠠᠢ ᠨᠢᠩ᠂ | ᠹᠦ᠋ ᠢᠦᠢ︶ ᠤ ᠭᠤᠷᠪᠠᠨ ᠬᠠᠷᠠᠭᠤᠯ ᠳᠤ ᠴᠢᠭᠯᠡᠭᠦᠯᠪᠡ᠃1408 ᠤᠨ ᠳᠤ ᠮᠢᠩ ᠴᠧᠩᠽᠦ ᠤᠮᠠᠷᠠᠳᠤ ᠶᠤᠸᠠᠨ ᠲᠠᠢ | ᠬᠢᠯᠢ ᠬᠠᠪᠢᠳᠠᠵᠤ ᠪᠦᠬᠦᠢ ᠭᠠᠨᠵᠸᠦ᠂ ᠯᠢᠶᠠᠩᠵᠸᠦ᠂ ᠯᠠᠨᠵᠸᠦ᠂ ᠨᠢᠩᠰᠢᠶᠠ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠮᠤᠷᠢᠨ ᠤ ᠠᠷᠠᠯᠵᠢᠶᠠ | ᠬᠢᠬᠦ ᠶᠢ ᠵᠦᠪᠰᠢᠶᠡᠷᠡᠵᠡᠢ᠃ ᠮᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠤᠮᠠᠷᠠᠳᠤ ᠶᠤᠸᠠᠨ ᠳᠤ ᠴᠡᠷᠢᠭ ᠤᠨ | ᠶᠠᠪᠤᠲᠠᠯ ᠤᠨ ᠲᠠᠯᠠ ᠪᠠᠷ ᠲᠤᠪᠳᠤᠯᠬᠤ᠂ ᠤᠯᠤᠰ ᠲᠦᠷᠦ ᠶᠢᠨ ᠲᠠᠯᠠ ᠪᠠᠷ ᠬᠠᠭᠠᠴᠠᠨ ᠵᠠᠳᠠᠷᠠᠭᠤᠯᠬᠤ ᠶᠢᠨ ᠬᠠᠮᠳᠤ | ᠠᠵᠤ ᠠᠬᠤᠢ ᠶᠢᠨ ᠲᠠᠯᠠ ᠪᠠᠷ ᠪᠢᠲᠡᠭᠦᠮᠵᠢᠯᠡᠬᠦ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠠᠪᠤᠭᠰᠠᠨ ᠠᠴᠠ ᠤᠮᠠᠷᠠᠳᠤ ᠶᠤᠸᠠᠨ ᠤ | ᠡᠬᠢᠨ ᠤ ᠦᠶᠡ ᠳᠤ ᠮᠢᠩ ᠤᠯᠤᠰ ᠯᠤᠭᠠ ᠶᠢᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠲᠠᠰᠤᠯᠤᠭᠳᠠᠬᠤ ᠳᠤ ᠬᠦᠷᠴᠡᠢ᠃ | ︵ᠦᠷᠭᠦᠯᠵᠢᠯᠡᠯ ᠪᠤᠢ︶ |