| ᠮᠤᠩᠭᠤᠯᠴᠤᠳ ᠤᠨ ᠭᠡᠷ ᠤᠨ ᠬᠦᠮᠦᠵᠢᠯ ᠤᠨ ᠭᠤᠤᠯ ᠠᠷᠭᠠ ᠨᠢ ᠬᠦᠳᠡᠯᠮᠦᠷᠢ ᠶᠤᠮ᠃ ᠵᠢᠯ ᠤᠨ ᠳᠦᠷᠪᠡᠨ | ᠤᠯᠠᠷᠢᠯ ᠳᠤ ᠮᠠᠯ ᠠᠵᠦ ᠠᠬᠤᠢ ᠪᠠᠨ ᠠᠳᠤᠭᠤᠯᠤᠨ ᠮᠠᠯᠯᠠᠬᠤ᠂ ᠠᠶᠠᠨ ᠵᠢᠩ ᠲᠡᠭᠡᠭᠡᠬᠦ᠂ ᠠᠩ ᠬᠦᠷᠦᠭᠡ ᠬᠢᠬᠦ ᠵᠡᠷᠭᠡ | ᠠᠮᠢᠵᠢᠷᠭᠠᠨ ᠤ ᠠᠷᠭᠠ ᠤᠬᠠᠭᠠᠨ ᠳᠤ ᠰᠤᠷᠭᠠᠳᠠᠭ ᠪᠠᠶᠢᠪᠠ᠃ | ᠬᠡᠤᠬᠡᠳ ᠢ ᠪᠠᠭᠠ ᠪᠠᠯᠴᠢᠷ ᠭᠡᠵᠦ ᠢᠯᠭᠠᠪᠦᠷᠢᠯᠠᠬᠤ ᠦᠭᠡᠢ ᠪᠠᠷ ᠬᠢᠷᠢ ᠴᠢᠳᠠᠯ ᠳᠤ ᠨᠢ ᠲᠤᠬᠢᠷᠠᠭᠰᠠᠨ ᠠᠵᠢᠯ | ᠬᠦᠳᠡᠯᠮᠦᠷᠢ ᠳᠤ ᠤᠷᠤᠯᠴᠠᠭᠤᠯᠳᠠᠭ ᠨᠠᠷᠢᠨ ᠬᠤᠪᠢᠶᠠᠷᠢ ᠲᠠᠢ ᠪᠠᠶᠢᠭᠰᠠᠨ ᠨᠢ ᠤᠯᠠᠮᠵᠢᠯᠠᠯᠲᠦ ᠶᠤᠰᠤ ᠵᠠᠩᠰᠢᠯ᠂ ᠨᠤᠮ | ᠵᠤᠬᠢᠶᠠᠯ ᠠᠴᠠ ᠲᠤᠲᠤᠷᠬᠠᠢ ᠬᠠᠷᠠᠭᠳᠠᠨᠠ᠃ | ᠵᠢᠱᠢᠶᠡ ᠨᠢ ᠬᠢᠰᠬᠢᠵᠦ ᠴᠢᠳᠠᠮᠠᠭᠴᠠ ᠠᠶᠠᠭᠠ ᠲᠠᠪᠠᠭ ᠠᠪᠤᠭᠤᠯᠬᠤ᠂ ᠬᠤᠶᠠᠷ ᠭᠤᠷᠪᠠᠨ ᠨᠠᠰᠤᠨ ᠠᠴᠠ ᠨᠢ | ᠠᠶᠠᠭᠠ ᠰᠠᠪᠠ ᠤᠬᠢᠶᠠᠯᠭᠠᠬᠤ᠃ ᠬᠤᠷᠠᠭᠠ ᠢᠰᠢᠭᠡ ᠲᠠᠲᠠᠭᠤᠯᠬᠤ᠂ 5—6 ᠨᠠᠰᠤᠨ ᠠᠴᠠ ᠨᠢ ᠡᠬᠢᠯᠡᠨ ᠲᠤᠭᠤᠯ | ᠬᠤᠷᠠᠭᠠ ᠬᠠᠷᠢᠭᠤᠯᠬᠤ᠂ ᠠᠷᠭᠠᠯ ᠲᠡᠭᠦᠯᠭᠡᠵᠦ᠂ ᠠᠶᠢᠷᠠᠭ ᠪᠦᠯᠢᠭᠦᠯᠬᠦ᠂ ᠮᠤᠷᠢ ᠤᠨᠤᠭᠤᠯᠬᠤ ᠵᠡᠷᠭᠡ ᠮᠠᠯᠴᠢᠨ ᠬᠦᠮᠦᠨ ᠤ | ᠠᠮᠢᠵᠢᠷᠭᠠᠨ ᠤ ᠬᠡᠷᠡᠭᠴᠡᠭᠡᠲᠦ ᠲᠠᠲᠤᠯ ᠴᠢᠳᠠᠪᠦᠷᠢ ᠶᠢ ᠤᠯᠭᠤᠵᠦ ᠪᠠᠶᠢᠵᠠᠢ᠃ | 1735 ᠤᠨ ᠳᠤ ᠭᠠᠷᠤᠭᠰᠠᠨ《ᠲᠤ᠋ ᠬᠦᠩ ᠤᠨ ᠭᠤᠷᠪᠠᠨ ᠦᠰᠦᠭᠲᠦ》ᠨᠤᠮ ᠳᠤ《ᠬᠡᠤᠬᠡᠳ ᠢ ᠢᠳᠡᠵᠦ | ᠴᠢᠳᠠᠮᠠᠭᠴᠠ ᠪᠠᠷᠠᠭᠠᠳ ᠭᠠᠷ ᠢ ᠰᠤᠷᠭᠠᠨᠠ᠃ ᠬᠡᠯᠡᠵᠦ ᠴᠢᠳᠠᠮᠠᠭᠴᠠ ᠡᠷᠭᠡᠯᠡᠬᠦ ᠳᠠᠭᠤ ᠶᠢ ᠦᠯᠦ ᠭᠠᠷᠭᠠᠨᠠ᠃ ᠶᠠᠪᠤᠵᠦ | ᠴᠢᠳᠠᠮᠠᠭᠴᠠ ᠳᠦᠷᠪᠡᠨ ᠵᠦᠭ ᠳᠡᠭᠡᠲᠦ ᠳᠤᠤᠷᠠᠲᠦ ᠶᠢ ᠤᠬᠠᠭᠤᠯᠤᠨᠠ᠃ ᠮᠡᠭᠦᠰᠭᠢᠵᠦ ᠴᠢᠳᠠᠮᠠᠭᠴᠠ ᠶᠤᠰᠤᠯᠠᠯ᠂ ᠨᠠᠶᠢᠷ | ᠲᠠᠯᠪᠢᠬᠤ᠂ ᠡᠴᠢᠭᠡ ᠡᠬᠡ ᠪᠠᠨ ᠬᠦᠨᠳᠦᠳᠭᠡᠬᠦ ᠶᠢ ᠰᠤᠷᠭᠠᠨᠠ》 ᠭᠡᠵᠡᠢ᠃ | ᠬᠡᠤᠬᠡᠳ ᠢ ᠢᠷᠡᠬᠦ ᠠᠮᠢᠳᠤᠷᠠᠯ ᠤᠨ ᠤᠬᠠᠭᠠᠨ ᠳᠤ ᠰᠠᠭᠤᠯᠭᠠᠵᠦ᠂ ᠠᠮᠢᠵᠢᠷᠭᠠᠨ ᠤ ᠳᠦᠷᠢ ᠲᠠᠢ ᠪᠤᠯᠭᠠᠬᠤ | ᠳᠠᠭᠠᠨ ᠠᠯᠢᠪᠠ ᠠᠵᠢᠯ ᠬᠦᠳᠡᠯᠮᠦᠷᠢ ᠶᠢ ᠶᠠᠭᠠᠬᠢᠵᠦ ᠬᠢᠬᠦ ᠶᠢ ᠦᠭᠡ ᠪᠠᠷ ᠪᠤᠰᠤ ᠦᠢᠯᠡ ᠳᠠᠭᠤᠷᠢᠶᠠᠯᠭᠠᠨ ᠰᠤᠷᠭᠠᠳᠠᠭ | ᠪᠠᠶᠢᠭᠰᠠᠨ ᠨᠢ ᠮᠠᠨ ᠤ ᠬᠡᠤᠬᠡᠳ ᠬᠦᠮᠦᠵᠢᠭᠦᠯᠬᠦ ᠤᠨᠴᠠᠯᠢᠭ ᠲᠠᠯᠠ ᠶᠤᠮ᠃ |